દેશના સહકારી ક્ષેત્ર માટે આજનો દિવસ ઐતિહાસિક બની રહેશે.
કેન્દ્રીય ગૃહ અને સહકારિતા મંત્રી શ્રી અમિતભાઈ શાહે આણંદ ખાતે દેશની પ્રથમ ‘ત્રિભુવન સહકારી યુનિવર્સિટી’નું ભૂમિપૂજન કર્યું હતું.
આ યુનિવર્સિટીને સહકારી ચળવળના પિતામહ આદરણીય ત્રિભુવનદાસ પટેલ – ત્રિભુવન કાકાનું નામ આપીને દેશે તેમને સાચી શ્રદ્ધાંજલિ આપી છે.
હજી તો ગયા માર્ચ મહિનામાં આ યુનિવર્સિટીનું વિધેયક લોકસભામાં પસાર થયું હતું, અને માત્ર ચાર મહિનામાં જ તેનો શિલાન્યાસ થયો છે.
આ વર્ષે જ્યારે આપણે લોહપુરુષ સરદાર પટેલના 150મા જન્મજયંતી વર્ષ તેમજ ‘આંતરરાષ્ટ્રીય સહકારિતા વર્ષ’ની ઉજવણી કરી રહ્યા છે, ત્યારે આ યુનિવર્સિટીના નિર્માણનો પ્રારંભ થવો એક સુભગ સંયોગ છે.
વડાપ્રધાન શ્રી નરેન્દ્રભાઈ મોદી અને માનનીય સહકારિતા મંત્રી શ્રી અમિતભાઈ શાહના નેતૃત્વમાં દેશમાં સહકારિતા ક્ષેત્રના એક નવા યુગનો પ્રારંભ થયો છે, ત્યારે આ યુનિવર્સિટી સહકારી ક્ષેત્રમાં નીતિ નિર્ધારણ, રિસર્ચ, ઈનોવેશન, ડેટા એનાલિસિસ જેવા આયામો ઉમેરીને નવા યુગના સહકારી આગેવાનો તૈયાર કરવામાં મહત્ત્વની ભૂમિકા નિભાવશે.
#TribhuvanSahkariUniversity : ગુજરાત આત્મીયતા ન્યૂઝ : આણંદ : તંત્રી : હિમાંશુ ઠાકોર : 9016924808
