ભારતીય રિઝર્વ બેંકે (RBI) ઝીરો-બેલેન્સ બેઝિક સેવિંગ્સ બેંક ડિપોઝિટ (BSBD) ખાતાઓ માટે ફ્રી સુવિધાનો વ્યાપ વધાર્યો છે. રિઝર્વ બેંકે બેંકોને નિર્દેશ આપ્યો છે કે, તેઓ આ ખાતાઓને “Lesser” અથવા “Temporary” વિકલ્પ તરીકે ન ગણે પરંતુ તેમને નોર્મલ સેવિંગ એકાઉન્ટ જેવી જ સર્વિસ પૂરી પાડે.

જો કોઈ લેખિત અથવા ઓનલાઈન અરજી સબમિટ કરે છે, તો બેંકે 7 દિવસની અંદર સેવિંગ એકાઉન્ટને BSBD માં બદલવું આવશ્યક છે. આ નિર્દેશ આવતા વર્ષે 1 એપ્રિલથી અમલમાં આવશે. મીડિયા રિપોર્ટ્સ અનુસાર, બેંકોને એ પણ જણાવાયું છે કે, જો કોઈ ગ્રાહક વિનંતી કરે છે, તો તેના હાલના સેવિંગ્સ એકાઉન્ટને પણ BSBDA એકાઉન્ટમાં બદલી શકાય છે.