📰 સુરતના વેપારીની દિવાળી પર દિલ જીતી લેતી ભેટ! 20 કર્મચારીઓને ₹1 લાખથી વધુનું રોકડ બોનસ આપી સર્જી અનોખી મિસાલ..

📰 સુરતના વેપારીની દિવાળી પર દિલ જીતી લેતી ભેટ!
20 કર્મચારીઓને ₹1 લાખથી વધુનું રોકડ બોનસ આપી સર્જી અનોખી મિસાલ
સુરત | મોટા વરાછા
સુરતના મોટા વરાછામાં કાપડના વેપારી રામસ્વરૂપ મુંડેએ દિવાળીના પર્વ નિમિત્તે પોતાના 20 કર્મચારીઓને અનોખી ભેટ આપીને સૌને આશ્ચર્યચકિત કરી દીધા છે.
વેપારીએ પોતાના દરેક કર્મચારીને ₹1 લાખથી વધુનું રોકડ બોનસ આપ્યું હતું. ખાસ વાત એ રહી કે વેપારીની પત્નીના હાથે ચાંદી જેવી ચમકતી પૂજાની થાળીમાં નોટોના બંડલ ગોઠવીને કર્મચારીઓને સન્માનપૂર્વક ભેટ આપવામાં આવી હતી.
આ થાળીમાં ₹10થી લઈને ₹500 સુધીની વિવિધ ચલણી નોટોના બંડલ રાખવામાં આવ્યા હતા. આ અનોખી ભેટ જોઈને કર્મચારીઓ પણ ભાવુક થઈ ગયા હતા.
વેપારી રામસ્વરૂપ મુંડેના જણાવ્યા અનુસાર, તેમના માટે કર્મચારીઓ માત્ર કામદારો નથી, પરંતુ પરિવારના સભ્યો સમાન છે. આખા વર્ષ દરમિયાન કર્મચારીઓની મહેનત અને સમર્પણથી જ વેપાર સફળતાપૂર્વક ચાલે છે. તેથી દિવાળીના પર્વે તેમની મહેનતનું સન્માન કરવા આ વિશેષ ભેટ આપવામાં આવી છે.
વેપારી દ્વારા કર્મચારીઓને આ અનોખી રીતે બોનસ આપવાનો વીડિયો સોશિયલ મીડિયા પર વાયરલ થયો છે. લોકો પણ વેપારીની ઉદારતા અને કર્મચારીઓ પ્રત્યેના લાગણીભર્યા વ્યવહારનાં વખાણ કરી રહ્યા છે.
ખરેખર, કર્મચારીઓને પરિવાર સમાન માનવાની આ ભાવના સમાજ માટે પ્રેરણારૂપ બની છે.
📍 ગુજરાત આત્મીયતા ન્યૂઝ દક્ષિણ ગુજરાતનું પ્રસિદ્ધ અખબાર
તંત્રી શ્રી: હિમાંશુ ઠાકોર
સહ તંત્રી શ્રી: હિમાબેન એચ. ઠાકોર
📞 મોબાઇલ: 9016924808